May-ari ng Facebook account na nagkalat ng pekeng balita, kinasuhan

Sinampahan ng kaso ang may-ari ng isang Facebook account dahil sa pagkakalat ng pekeng balita sa social media.

Ayon sa Quezon City Police District (QCPD), batay sa post, araw-araw umano siyang nakakatanggap ng hygiene kit na may kasamang P3,000 mula kay Mayor Joy Belmonte at sa Barangay Sangandaan.

Kinasuhan ng Anti-Cybercrime Team-QCPD, sa ilalim ng pamumuno ni QCPD Director Police Brig. Gen. Ronnie Montejo, ang may-ari ng Facebook account.

Muli namang nagpaalala ang QCPD na huwag maging biktima ng mga kumakalat na pekeng balita.