20 pang kumpirmadong kaso ng COVID-19 naitala sa Cebu City Jail
Nakapagtala ng 24 pang panibagong kaso ng COVID-19 sa Cebu City at karamihan dito ay sa Cebu City Jail.
Ang anunsyo ay ginawa ni Cebu City Mayor Edgardo Labella sa kaniyang Facebook Page.
Ayon kay Labella, sa 24 na bagong kumpirmadong kaso, 20 ay mula sa city jail na nasa Barangay Kalunasan.
Sa ngayon umabot na sa 149 ang kumpirmadong kaso ng COVID-19 sa naturang jail facility.
Ang apat pang bagong kaso sa Cebu City ay mula sa Barangays Mambaling, Labangon, Guadalupe, at Luz.
Sa kabuuan, ang Cebu City ay mayroon nang 352 na kumpirmadong COVID-19 cases at nananatiling may pinakamaraming kaso sa Central Visayas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.