Pumanaw na empleyado ng DPWH positibo sa COVID-19

By: Dona Dominguez-Cargullo - 5 years ago

Kinumpirma ng Department of Public Works and Highways (DPWH) na mayroong COVID-19 ang empleyado nilang pumanaw kamakailan matapos makaranas ng diarrhea.

Ang nasabing empleyado ay kabilang sa mga empleyado ng DPWH na nagtulung-tulong para mai-convert ang PICC bilang quarantine facility.

Ayon kay DPWH Build Build Build Committee chairperson Anna Mae Lamentillo, kinumpirma sa kanila ng RITM na positibo sa COVID-19 ang nasabing empleyado.

Bago pa lumabas ang resulta ay pumanaw na ang empleyado.

Tiniyak naman ng DPWH na binigyan ng tulong ang pamilya ng pumanaw.

Nagsasagawa rin sila ng contact tracing sa mga nakasalamuha nito.