Desisyon ni Pangulong Duterte kaugnay sa ECQ, iaanunsyo ngayong araw

Inanunsiyo ng Palasyo ng Malakanyang ang petsa at oras kung kailan ilalabas ang desisyon ni Pangulong Rodrigo Duterte hinggil sa ipinatutupad na enhanced community quarantine.

Sa Twitter, sinabi ni Presidential spokesperson Harry Roque na ilalabas ang public address ng pangulo bandang 8:00, Biyernes ng umaga (April 24).

Sa naturang public address inaasahang iaanunsiyo ng pangulo kung palalawigin muli ang umiiral na ECQ o gagawing modified.

Sa ibinahaging larawan ni Senador Christopher “Bong” Go, makikitang nakapulong ng pangulo ang ilang miyembro ng kaniyang Gabinete, Huwebes ng gabi (April 23).