Tumatakbong konsehal sa Batangas, patay sa pananambang
Nasawi sa pananambang sa Sto. Tomas, Batangas, ang kapatid ng isang dating leader ng New People’s Army (NPA) na tumatakbong konsehal.
Kinilala ni Batangas Philippine National Police (PNP) Provincial Director Sr. Supt. Arcadio Ronquillo ang nasawing biktima na si Damasino “Caloy” Mabilangan Jr. at kapatid ng pinaslang na si dating NPA leader Hector “Ka Hector” Mabilangan.
Nabatid na nagjo-jogging ang biktima sa Barangay San Pablo nang hintuan ng riding-in-tandem saka pinagbabaril.
Nagtamo ng mga tama ng bala sa iba’t ibang parte ng katawan ang biktima na naging dahilan ng agaran nitong kamatayan.
Matapos ang insidente kaagad tumakas ang mga suspek patungo sa hindi pa mabatid na direksyon.
Si Mabilangan ay dati ng konsehal ng bayan ng Sto. Tomas at muling tumatakbong konsehal ngayong 2016 elections.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.