Ginang at bagong silang niyang sanggol positibo sa COVID-19 sa Cebu

Isang ina at bagong silang niyang sanggol ang kabilang sa 12 bagong kaso ng COVID-19 sa Cebu.

Ayon sa Department of Health (DOH) – Central Visayas, binabantayan ngayon sa isang ospital sa Cebu City ang mag-ina.

Unang nagpositibo sa COVID-19 ang ina bago pa siya manganak.

Nang isilang ang sanggol ay kinuhanan din ito ng swab samples at nagpositibo din ito sa sakit.

Mayroon nang 173 na kumpirmadong kaso ng COVID-19 sa Cebu City.