Maximum na temperatura sa Metro Manila kahapon umabot sa 35.8 degrees Celsius

Mainit at maalinsangang panahon ang naranasan sa Metro Manila kahapon araw ng Martes (April 21).

Ayon sa PAGASA, umabot sa 35.8 degrees Celsius ang naitalang maximum na temperatura sa PAGASA Science Garden sa Quezon City kahapon.

Mas mataas kumpara sa 35 degrees Celsius na maximum temperature na naitala noong Lunes.

Ayon sa PAGASA umabot sa 39 degrees Celsius ang heat index na kanilang naitala dakong alas 3:10 ng hapon.