Kauna-unahan sa kasaysayan, presyo ng langis sa World Market nag-negatibo

Sa kauna-unahang pagkakataon ay bumagsak sa pinakamababang halaga ang presyo ng produktong petrolyo sa World Market.

Ito ay dahil sa epekto ng COVID-19 pandemic sa buong mundo.

Bumagsak sa -$37.63 ang presyo ng kada barrel ng West Texas Intermediate para sa US crude.

Ito ay bunsod ng napakababang demand sa produktong petrolyo dahil maraming bansa ang nagpapatupad ng lockdown.

Ngayon lamang nangyari sa kasaysayan na nagnegatibo ang presyo ng langis sa world market.

Maliban sa paluging presyo, problema din ng oil producers ang pag-iimbakan ng kanilang produkto.