Rollback sa presyo ng produktong petrolyo epektibo na ngayong araw

Epektibo na ang rollback sa presyo ng mga produktong petrolyo ng mga kumpanya ng langis.

Sa abiso ng Total, PTT Philippines, Cleanfuel, Phoenix Petroleum, Seaoil, Shell, Petron, Flying V, Caltex at Petro Gazz, mababawasan ng P1.15 ang bawat litro ng kanilang diesel habang P0.55 naman sa gasolina.

Sinabi pa ng Seaoil, Shell, Petron, Flying V at Caltex na P0.60 ang ibababa ng bawat litro ng kanilang kerosene o gaas.

Unang nagpapatupad ng oil price rollback ang Caltex epektibo 12:01, Martes ng madaling-araw (April 21).

Habang 6:00 ng umaga naman ang rollback ng iba pang kumpanya.

Ang Cleanfuel naman ay alas 8:01 ng umaga epektibo ang bawas-presyo.