Bilang ng Filipino na apektado ng COVID-19 sa abroad, halos 1,000 na – DFA
Nadagdagan pa ang bilang ng mga Filipino na apektado ng Coronavirus Disease o COVID-19 sa ibang bansa.
Sa datos ng Department of Foreign Affairs (DFA) hanggang April 20, nasa 990 na overseas Filipinos (OFs) ang kumpirmadong positibo sa COVID-19 sa 42 na bansa at rehiyon.
Sa nasabing bilang, 584 ang patuloy na nagpapagamot sa iba’t ibang ospital.
Ayon sa DFA, 263 naman ang naka-recover sa nakakahawang sakit o na-discharge na sa ospital.
Nasa 143 naman ang nasawing overseas Filipino dahil sa COVID-19.
Pinakamarami pa ring naitalang confirmed COVID-19 positive na OF sa bahagi ng Asia Pacific Region na may 274 na kaso.
Sumunod dito ang Europe na may 351 na kaso, Middle East/Africa na may 156 na kaso habang ang Americas naman ay may 209 cases.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.