Pagtagas ng tubig sa Mangga Sta. Mesa Station ng Maynilad , huminto na
Matapos ang halos sampung oras tumigil na ang pagbulwak ng tubig sa nawasak na balbula ng Maynilad sa Sta. Mesa, Maynila.
Ayon kay Engr. Ryan Jamora, Central Non Revenue Water Engineering and Construction head ng Maynilad, nagsara ng mas malaking balbula dahilan upang maapektuhan ang nasa 109,000 na consumer.
Sinabi ni Jamora na aabot sa 300 water tankers ang nawalang tubig dahil sa insidente.
May kalumaan na rin anya ang piyesa na nasira sa kanilang Mangga Sta Mesa Station.
Dahil sa insidente inaasahan ding mawawalang ng supply ng tubig ang lalawigan ng Cavite, Las Pinas at Parañaque.
Tinatayang matatapos ang pagkukunpuni ng nawasak na bahagi mamayang alas diyes ng gabi saka ibabalik sa normal ang supply ng tubig.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.