344 overseas Filipinos, nakasailalim sa mandatory 14-day quarantine sa quarantine ships sa Maynila
Nakasailalim na ang 344 overseas Filipinos sa mandatory 14-day quarantine sa mg itinalagang quarantine ship sa Maynila.
Ayon sa Philippine Coast Guard (PCG), ilan sa mga overseas Filipino ay land-based at sea-based workers mula South Korea, Indonesia, Qatar, United States, Taiwan, United Arab Emirates, Brunei at ilang European countries.
Sa unang quarantine ship, mayroong naa-accommodate na 274 na OF; 146 ang lalaki habang 128 ang babae.
Sa ikalawang quarantine ship, 70 katao ang naa-accommodate kung 46 ang lalaki at 24 ang babae.
Tiniyak ng Department of Transportation (DOTr) sa pamamagitan ng PCG na mananatiling ligtas at malusog ang mga overseas Filipino habang naka-quarantine.
Katuwang din ang 2GO company para mapanatiling malinis at sapat ang suplay ng pagkain sa quarantine ships.
Nakadaong ang quarantine ships sa Pier 15 sa Port Area, Manila.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.