Bilang ng mga Pinoy sa ibang bansa na nasawi sa COVID-19 nadagdagan pa

Umakyat na sa 837 ang kabuuang bilang ng mga Pinoy sa ibang bansa na nakupirmang positibo sa COVID-19.

Base ito sa pinakahuling datos mula sa Department of Foreign Affairs (DFA).

Ayon sa DFA, nakapagtala ng 88 panibagong kumpirmadong kaso at ito na ang pinakamataas na naitala ng DFA sa araw-araw na inilalabas na datos simula noong March 2020.

Nakapagtala naman ng tatlo pang Pinoy na pumanaw sa COVID-19 kaya umabot na sa 106 na Pinoy sa ibang bansa ang nasawi sa sakit.

Habang may naitalang 8 gumaling kaya 248 na ang mga Pinoy na naka-recover sa sakit.