P1.9B pambili ng RT-PCR detection kits ng DOH inaprubahan na ng DBM

Inaprubahan na ng Department of Budget and Management (DBM) ang pagpapalabas ng P1.9 billiona pondo na gagamitwin ng Department of Health (DOH) pambili ng RT-PCR detection kits.

Umabot sa P1,912,500,000 ang halagang inilaan ng DBM para sa pagbili ng DOH sa Reverse Transcription Polymerase Chain Reaction (RT-PCR) Severe Acute Respiratory Syndrome Coronavirus 2 (SARS-COV-2) detection kits.

Ayon sa DBM, ang mga bibilhing detection kits ay para sa 68 laboratories na sesertipikahan ng DOH.

“The released amount is charged against the pooled savings from discontinued unreleased appropriations consistent with Section 4(v) of Republic Act No. 11469, otherwise known as the Bayanihan to Heal as One Act,” ayon sa DBM.