Akreditasyon ng testing center ng Marikina ilalabas ng DOH sa susunod na linggo

Sa susunod na linggo makukuha ng Marikina City government ang akreditasyon ng kanilang COVID-19 testing facility.

Ayon kay Health Sec. Francisco Duque III, sa Miyerkules, April 22 ay ibibigay ang akreditasyon ng testing center ng Marikina.

Sinabi ni Duque na nais niyang mabusisi pa ng husto ang pasilidad dahil may magkakaibang impormasyon siyang nakukuha.

Gusto niyang matiyak na handa ang pasilidad at mga staff na magmamando dito.

Sinabi ni Duque na nagiging istrikto ang DOH sa pagbibigay ng akreditasyon sa mga pasilidad para sa kaligtaasan ng publiko.