Mundo babalik lang sa normal kapag may bakuna na kontra COVID-19

Makababalik lamang sa normal ang mundo kapag nagkaroon na ng bakuna laban sa COVID-19.

Pahayag ito ni United Nations Secretary General Antonio Guterres.

Ayon kay Guterres ang ligtas at epektibong bakuna lamang ang paraan upang magkaroon muli ng “sense of normalcy” sa buong mundo.

Samantala, sa kaniyang pahayag, sinabi din ni Guterres na ngayong may problema ang buong mundo sa COVID-19 ay dapat nagkakaisa ang lahat ng mga bansa.

Hindi aniya ito ang tamang panahon para alisan ng resources ang World Health Organization (WHO) o anumang humanitarian organization na lumalaban sa sakit.