Naitalang maximum temperature sa Metro Manila kahapon umabot sa 34.7 degrees Celsius

Mainit at maalinsangang panahon ang naranasan sa Metro Manila kahapon, April 15.

Ayon sa PAGASA, umabot sa 34.7 degrees Celsius ang maximum na temperatura na naitala sa PAGASA Science Garden sa Quezon City.

Ang heat index naman o ang init na naramdaman sa katawan ng tao ay umabot sa 38 degrees Celsius dakong alas 2:50 ng hapon ng April 15.

Noong April 14 ay umabot lang sa 32 degrees Celsius ang naitalang maximum temperature sa Metro Manila at 31.5 degrees Celsius naman noong April 13.