Preliminary investigation kay Sen. Koko Pimentel itinakda na ng DOJ
Itinakda ng Department of Justice (DOJ) sa May 30 ang initial hearing para sa preliminary investigation kay Senator Koko Pimentel III.
Ito ay kaugnay sa paglabag ni Pimentel sa umiiral na enhanced community quarantine nang siya ay magtungo sa Makati Medical Center at ma-expose sa kaniya ang mga staff doon.
Ayon kay Prosecutor General Benedicto Malcontento, tentative pa lang ang naturang petsa at maari pang mabago.
Naisilbi na rin kay Pimentel ang order na nag-aatas sa kaniyang maghain ng reply sa reklamo na isinampa ni Atty. Rico Quicho.
Si Asst. State Prosecutor Wendell Bendoval ang tutukoy kung ang reklamo ay may basehan para isulong sa korte o mababasura lamang.
Magugunitang umalma ang mga taga-Makati Med ng magtungo doon si Pimentel para samahahan ang buntis na asawa gayong ito ay COVID-19 positive.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.