WATCH: Station commander ng MPD Station 3 personal na tumutok sa sitwasyon sa Blumentritt; may bitbit na baton
Bitbit ang pamalong baton, personal nang tinutukan ng station commander ng Manila Police District Station 3 ang sitwasyon sa Blumentritt Market.
Si MPD Station 3 Commander P/LtCol Reynaldo Magdaluyo ang nangangasiwa ngayon sa sitwasyon sa palengke para masigurong nasusunod ang polisiya.
Nagpatupad ng pagbabago sa schedule ng pamimili sa naturang palengke matapos maiulat ng Radyo Inquirer na puno ng tao ang palengke kahapon at hindi nasusunod ang social distancing.
Simula ngayong araw, ang mga residente ng Maynila lamang ang pwedeng mamili sa palengke mula alas 5:00 ng umaga hanggang alas 12:00 ng tanghali.
Kung hindi residente ng Maynila ay maari lamang makapamili mula alas 12:00 ng tanghali hanggang alas 4:00 ng hapon.
Habang kung wholesale naman ang pamimili ay alas 4:00 ng hapon hanggang alas 7:00 gabi pwedeng mamili.
#SocialDistancing is being observed in the Blumentritt markets this morning. MPD Station 3 Commander P/LtCol Reynaldo Magdaluyo is personally supervising the implementation of ECQ guidelines in this area. #AlertoManileno pic.twitter.com/chSPkWNICw
— Cesar Chavez (@sarchavez) April 15, 2020
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.