WATCH: Viral video ng paglapastangan ng isang estudyante sa PH flag, pinansin na ng DepEd

By Jan Escosio February 10, 2016 - 08:16 PM


Video from Filipino Netizens’ FB page

Nakarating na sa kaalaman ng Department of Education ang paglapastangan ng isang estudyante sa bandera ng Pilipinas, na ang video ay viral na ngayon sa social media.

Ayon kay Education Asec. Tonisito Umali, labis silang nalulungkot na may ganitong pangyayari na pambabastos sa watawat ng bansa.

Aniya paiimbestigahan nila ang pangyayari para malaman kung saan paaralan ito nangyari at kung sino ang estudyante na ginawang basahan sa sahig ang watawat.

Sinabi pa ng opisyal na maaaring papanagutin sa paglabag sa Republic Act 8491 o ang Flag and Heraldic Code of the Philippines.

Kahapon ng tanghali, ang video ng pambababoy ng estudyante sa philippine flag ay napanood na ng mahigit sa 1.2 million Facebook users at libo libo na rin ang pumuna at nagpahiwatig ng matinding galit sa kalapastanganan ng estudyante.

TAGS: PH flag viral video, PH flag viral video

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.