US nangunguna na sa mga bansang may pinakamaraming bilang ng nasawi dahil sa COVID-19

Ang Estados Unidos na ang nangunguna sa mga bansa sa mundo sa mayroong pinakamaraming bilang ng ng nasawi at maging sa may pinakamaraming kaso ng COVID-19.

Ito ay matapos na mahigitan na ng US ang death toll ng Italy.

Sa pinakahuling datos, ang US ay mayroon nang mahigit 21,950 na death toll.

Sa magdamag ay nakapagtala ito ng mahigit 1,300 na nasawi dahil sa COVID-19.

Ang Italy ay mayroon namang mahigit 19,800 na nasawi, habang ang isa pang bansa Europe na Spain ay mayroong 17,113 na deatht toll.

Sa magdamag ay nakapagtala ang US ng mahigit 24,300 na kaso.

Dahil dito mahigit 557,200 na ang kabuuang kaso ng COVID-19 sa US.