PAGASA nakapagtala ng mainit na temperatura sa ilang lugar sa bansa kahapon

Maalinsangang panahon pa rin ang naranasan kahapon April 12 sa maraming lugar sa bansa.

Sa datos mula sa PAGASA, umabot sa 38 degrees Celsius ang naitalang pinakamataas na temperatura sa Cotabato City kahapon.

Ang iba pang mga lugar sa bansa na nakapagtala ng mainit na temperatura ay ang mga sumusunod:

General Santos City – 37.0 degrees Celsius
Camiling, Tarlac – 36.3 degrees Celsius
San Jose Occidental Mindoro – 36.3 degrees Celsius
Tuguegarao City – 36.1 degrees Celsius

Payo naman ng PAGASA sa publiko ngayong mainit ang panahon ay palagiang uminom ng tubig at bawasan ang physical activities sa tanghali at hapon.