Bilang ng COVID-19 cases sa Bicol region, nasa 18 na

Nadagdagan ng isa ang bilang ng nagpositibo sa COVID-19 sa Bicol region.

Ayon sa Department of Health Center for Health Development (DOH CHD) Bicol, tinamaan ng virus ang 28-anyos na babae sa Albay.

Nagkaroon ang pasyente ng exposure sa isa pang positibong kaso ng nakakahawang sakit.

Sa ngayon, naka-confine na ang pasyente sa Bicol Regional Training and Teaching Hospital.

Ito na ang ika-18 kaso ng COVID-19 sa nasabing rehiyon.

Muli namang nagpaalala ang DOH CHD – Bicol sa mga residente na sundin ang social distancing kahit nasa loob ng bahay.