Kaso ng COVID-19 sa bansa 4,195 na

Nakapagtala pa ng dagdag na 119 na kaso ng COVID-19 sa bansa ang Department of Health (DOH) sa nakalipas na magdamag.

Ayon sa datos mula sa DOH, umabot na sa 4,195 ang kumpirmadong kaso ng COVID-19 sa bansa.

Mayroon namang 16 na bagong naka-recover sa sakit, kaya umakyat na sa 140 ang bilang ng gumaling.

Habang nakapagtala ng 18 panibagong bilang ng mga nasawi.

Sa kabuuan ay mayroon nang 221 na nasawi sa COVID-19 sa bansa.