COVID-19 tracker ng DOH hindi muna magagamit hanggang April 11

By: Dona Dominguez-Cargullo - 5 years ago

Sumasailalim sa maintenance ang COVID-19 tracker ng Department of Health (DOH).

Ayon sa abiso ng DOH, hindi muna maa-access ng publiko ang online tracker hanggang sa April 11, Sabado de Gloria.

Habang sumasailalim sa maintenance ay kinukumpleto ng DOH ang pag-encode ng backlogs ng cases sa buong bansa para matiyak ang pagbibigay ng tama at kumpletong impormasyon ng COVID-19 tracker.

Sa Linggo, April 12 ay muling ilulunsad ang tracker na mayrrong updated na graphs at charts.

Tiniyak naman ng DOH na tuloy ang paglalabas nila ng araw-araw na update sa bilang ng mga tinamaan ng COVID-19.