BREAKING: Bilang ng tinamaan ng COVID-19 sa Pilipinas, pumalo na sa 3,870
Nadagdagan pa rin ang bilang ng kumpirmadong kaso ng Coronavirus Disease o COVID-19 sa Pilipinas.
Sa huling datos ng Department of Health (DOH) hanggang 4:00, Miyerkules ng hapon (April 8), sumampa na sa 3,870 ang bilang ng tinamaan ng nakakahawang sakit.
Ayon sa DOH, 106 ang nadagdag na panibagong kaso ng COVID-19 sa nakalipas na 24 oras.
Limang pasyente naman ang nasawi kung kayat ang COVID 19-related deaths sa bansa ay umabot na sa 182.
Samantala, gumaling naman ang 12 pang pasyente na apektado ng COVID-19 sa Pilipinas.
Dahil dito, umakyat na ang total recoveries nito sa Pilipinas sa 96.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.