Metro Manila at ilang lalawigan sa Luzon, makakaranas ng pag-ulan
Makakaranas ng pag-ulan ang Metro Manila at ilang lalawigan sa Luzon.
Sa thunderstorm advisory ng PAGASA bandang 3:40 ng hapon, iiral ang katamtaman hanggang mabigat na buhos ng ulan na may kasamang kidlat at malakas na hangin sa Metro Manila, Tarlac, Pampanga, Batangas, Laguna at Cavite.
Maliban dito, uulanin din ang bahagi ng Carranglan sa Nueva Ecija; Santa Cruz, Palauig at Botolan sa Zambales; Pulilan, Plaridel, Bustos, Pandi, Balagtas, Santa Maria at Norzagaray sa Bulacan.
Apektado din ang Rodriguez at Antipolo sa Rizal; at General Nakar sa Quezon.
Mararamdaman ang nasabing lagay ng panahon sa susunod na dalawang oras.
Pinayuhan naman ng PAGASA ang mga residente sa mga nabanggit na lugar na maging maingat sa posibleng pagbaha o pagguho ng lupa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.