247 na Pinoy seafarers mula Germany nakabalik na ng bansa

Dumating sa bansa ang panibagong batch ng mga Filipino seafarers mula sa Germany Miyerkules, Apr. 8 ng umaga.

Ang mga Pinoy ay mula Frankfurt, Germany at pawang crew ng MS Amera at MS Amadea.

Ayon sa Department of Foreign Affairs (DFA) tuluy-tuloy ang pagpapauwi nila sa mga OFWs na naapektuhan ng mga ipinatupad na lockdown sa mga bansang apektado ng COVID-19.