128 sa 217 na sakay ng barko sa Uruguay positibo sa COVID-19

Malaking bilang ng mga pasahero ng barkong nasa Uruguay ang nagpositibo sa COVID-19.

Sa 217 na sakay ng Aurora Expeditions, 60 percent o 128 sa kanila ay positibo sa COVID-19.

Sakay ng barko ang iba’t ibang nationalities kabilang ang mga mula sa Australia, Europe, at US.

Ayon sa pahayag ng Australian operator ng barko na Greg Mortimer Ship, pawang asymptomatic ang mga nagpositibo sa sakit.

Sa ngayon ipinoproseso na ang pagpapababa sa mga crew at pasahero at sila ay kukuhanan ng flight pauwi.

Mayroon nang anim na unang nailikas sa barko at lahat sila ay mabuti ang kondisyon.

Ang barko ay umalis noong March 15 patungo ng Antartica at South Georgia.