Lockdown sa Wuhan City natapos na

Natapos na ang 11 linggong lockdown na pinairal sa Wuhan City ang lugar na pinagmulan ng kaso ng COVID-19 na laganap ngayon sa mundo.

Pinayagan na muli ang nasa 11 milyong mga residente ng Wuhan na makabiyahe at makalabas ng lungsod.

Inabisuhan lang ang mga residente na dapat mayroon silang naka-download na data-tracking sa kanilang mobile phones.

Ito ay para mas mabilis ang magiging contact tracing kung kakailanganin.

Sinabayan ng simpleng seremonya ang pagtatapos ng lockdownsa Wuhan City kasabay ng pagbibigay ng pagkilala sa mga medical worker.