Nasaktan habang nagte-taping para sa episode ng “Maalaala Mo Kaya” ang kapamilya actress na si Andi Eigenmann.
Nabatid na kinukuhanan ang isang eksena kung saan magpapaputok ng baril si Andi, pero dahil sa lakas ng impact ay tumumba umano ang aktres.
Ang nasabing insidente ay nagdulot ng panic sa set ng taping at nataranta ang mga bumubuo ng produksyon.
Bagaman blank bullets ang ginamit sa baril, masyado pa rin umanong malakas ang naging impact kaya bumagsak si Andi.
Kinailangang bigyan ng atensyong medical ang aktres at ngayon ay nasa mabuti na itong kondisyon.
Sa katunayan, ipinagpatuloy pa umano ang taping ng MMK.
MOST READ
LATEST STORIES