Pag-‘like’ sa mga kandidato , bawal sa mga sundalo-AFP
Mahigpit ang paalala ng Sandatahang Lakas ng Pilipinas sa kanilang mga tauhan hinggil sa pagiging non-partisan ngayong nagsimula na ang panahon ng kampanya.
Ayon kay AFP Public Affairs Offiuce Chief Col. Noel Detoyato, bukod sa pagbabawal sa pagpo-post, pagla-like at pagsi-share ng mga mensahe sa mga social networking sites na may temang pumapabor o kontra sa isang politiko ay ipinatutupad na din nila ang pagbabawal sa lahat ng uri ng mga campaign materials na makapasok sa mga kampo ng militar sa buong bansa.
Inihalimbawa ng opisyal ang mga sticker sa sasakyan ng isang kandidato, t-shirt, cap, baller id at iba pang kahalintulad nito dahil isa na itong pagpapahiwatig ng pagsuporta sa isang partikular na kandidato.
Maliban dito, wala rin umanong sinuman ang pinapayagan na magsagawa ng kampanya sa loob ng mga kampo dahil sa labag na ito sa kanilang mandato na manatiling ‘apolitical’.
Tiniyak naman ng opisyal na may kaukulang parusa sa ilalim ng Articles of War ang sinumang tauhan ng AFP na lalabag sa kautusang ito .
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.