Kaso ng COVID-19 sa Bicol region, nadagdagan ng 2

Nadagdagan ng dalawa pa ang kaso ng COVID-19 sa Bicol region.

Ayon sa DOH CHD-Bicol hanggang 5:00, Lunes ng hapon (April 6), nasa 13 na ang total affected cases ng virus sa rehiyon.

Pinakamaraming naitala sa bahagi ng Albay na mayroong siyam na COVID-19 patients.

Isang pasyente naman ang nasawi bunsod ng virus habang umakyat na sa lima ang gumaling.

Sa ngayon, nasa 115 ang persons under investigation (PUIs) sa rehiyon.