BREAKING: Bilang ng tinamaan ng COVID-19 sa Pilipinas, pumalo na sa 3,660

Tumaas pa ang bilang ng kumpirmadong kaso ng Coronavirus Disease o COVID-19 sa Pilipinas.

Sa huling datos ng Department of Health (DOH) hanggang 4:00, Lunes ng hapon (April 6), pumalo na sa 3,660 ang tinamaan ng COVID-19 sa bansa.

414 ang naitalang panibagong kaso ng sakit sa bansa sa nakalipas na 24 oras.

Samantala, 11 pasyenteng ang nasawi bunsod ng COVID-19 kung kayat umabot na ang COVID 19-related deaths sa Pilipinas sa 163.

Siyam namang pasyente ang nakarekober o gumaling sa virus dahilan para umabot ang total recoveries sa bansa sa 73.