Panawagang isapubliko ang pangalan ng mga tinamaan ng COVID-19, suportado ni Guevarra
Suportado ni Justice Secretary Menardo Guevarra ang panawagan ng IBP o Integrated Bar of the Philippines, na isapubliko na ang medical condition at pangalan ng mga covid-19 possitive at mga PUI o Person Under Investigation.
Ipinaliwanag ni Guevarra na dahil diyan ay mabibigyang pagkakataon ang mga taong nakasalamuha ng pasyente na makagawa ng kaukulang hakbang o pangontra sa posibilidad na nahawa na sila.
Sa ganito anyang sistema ay hindi na kakailanganin pa ng Department of Health na magsagawa ng contact tracing dahil mismong ang mga taong nakasalamuha ng covid carrier ang kusang loob na magpapa-quarantine.
Nabatid na mismong ang Philippine Medical Association at ang Data Privacy Commission ang nagkaloob ng ethical at legal basis para dito kasabay ng pag-iral ng public health emergency.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.