BREAKING: Bilang ng tinamaan ng COVID-19 sa Pilipinas, pumalo na sa 3,094
Patuloy pa ring nadaragdagan ang bilang ng tinatamaan ng Coronavirus Disease o COVID-19 sa Pilipinas.
Sa huling datos ng Department of Health (DOH) hanggang 4:00, Sabado ng hapon (April 4), pumalo na sa 3,094 ang bilang ng COVID-19 cases sa bansa.
76 ang napaulat na panibagong kaso ng virus sa bansa sa nakalipas na 24 oras.
Samantala, limang pasyente ang naitalang gumaling o naka-recover sa COVID-19 sa bansa dahilan para umabot ang total recoveries sa 57.
Walong pasyente naman ang pumanaw bunsod ng sakit sa magdamag.
Dahil dito, umabot na sa 144 ang COVID-19 related deaths sa bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.