OWWA Deputy Administrator Mocha Uson muling nabatikos dahil sa paggamit ng larawan ng SM Foundation sa post sa kaniyang FB page

Nababatikos naman ang Facebook Page ni OWWA Deputy Administrator Mocha Uson.

Ito ay matapos na mag-post si Uson tungkol sa 15,000 sets ng personal protective equipment (PPEs) na binili ng Department of Health (DOH).

Sa nasabing post, may inilakip na larawan si USon ng mga medical frontliner suot ang PPE at kahon-kahong PPEs na dumating sa bansa.

May caption ito na “15,000 set of PPE delivered. Ito ay unang batch sa 1-mimllion PPE set na binili ng gobyerno,”

Pero nabatid na ang larawang ginamit sa post ay mula sa FB Page ng SM Foundation.

Binago din naman kalaunan ang larawan sa FB page ni Uson.

Humingi din ito ng paumanhin sa nangyari at sinabing ang larawan ay nakuha niya lang mula sa Philippine Star website.