6 nahuli sa Navotas dahil sa paglabag sa home quarantine

Nahuli ng mga otoridad ang anim katao na lumabag sa home quarantine sa magdamag.

Ayon sa lokal na pamahalaan ng Navotas, batay sa kanilang cumulative report, nasa 459 na ang nahuling home quarantine violators mula March 20 hanggang April 1, 2020 bandang 6:00 ng umaga.

Maliban dito, 16 menor de edad ang nahuli sa lungsod sa nakalipas na 24 oras.

Dahil dito, umabot na sa 148 ang bilang ng mga menor de edad na nahuling lumabag sa home quarantine mula March 20 hanggang April 1.