3 arestado ng coast guard sa pag-iinuman sa bangka sa Navotas

Inaresto ng mga tauhan Philippine Coast Guard (PCG) ang tatlong lalaki na nakitang nag-iinuman habang naka-angkla ang kanilang bangka sa baybayin sa Navotas.

Nahuli ng mga tauhan ng Task Group Laban COVID-19 Water Cluster ang tatlo na pawang residente ng Barangay Tangos.

Kinilala ang tatlo na sina Arlie Mahusay, Noli de Guzman, at Melvin Lloberas.

Dinala sila sa Tangos Barangay Hall at mahaharap sa kasong paglabag sa Section 9 (e) ng RA 11332 o Mandatory Reporting of Notifiable Diseases and Health Events of Public Health Concern Act.