75 COVID-19 cases, naitala sa Maynila

Dumami pa ang kaso ng COVID-19 sa Lungsod ng Maynila.

Batay sa MHD/MEOC COVID-19 monitoring hanggang 5:00, Martes ng hapon (March 31), 75 na ang kumpirmadong COVID-19 cases sa lungsod.

Apat ang gumaling habang sampu naman ang nasawi.

Samantala, nasa 271 ang persons under investigation o PUI sa Maynila.

Patuloy pa rin ang paalala ng lokal na pamahalaan ng Maynila na manatili sa bahay para maiwasan ang pagkalat ng sakit.