Ngayong umpisa na ang campaign period, simula na rin ang pagbibilang ng Commission on Election sa ginagastos ng mga kandidato.
Ayon kay Comelec Chairman Andres Bautista, magiging mahigpit na ang finance office ng Comelec sa pangunguna ni Commissioner Christian Robert Lim sa pagbabantay sa mga campaign expenditures ng bawat isang tumatakbo sa national elective position simula ngayong araw.
Bukod dito, itinalaga rin ng Comelec ang Anti-Money Laundering Council o AMLAC, Commission on Audit at Bureau of Internal Revenue upang magbantay sa mga campaign expenses ng mga kandidato.
Sa ilalim ng Comelec Resolution No. 9981, lahat ng mga kandidato sa Pangulo, pangalawang Pangulo, at mga senador ay papayagang bumili ng 120 minuto ng ad placement sa bawat istasyon ng telebisyon.
Samantala, 180 minuto naman ang papayagan sa mga himpilan ng radyo.
Ang mga campaign posters naman ay maari lamang ipaskil sa mga itinaglagang common poster area.
Sakaling lumabag ang isang kandidato, maari itong makulong ng hanggang anim na taon, at madisqualify na tumakbo sa mga susunod na eleksyon.