Nagnegatibo na ang aktres na si Iza Calzado sa Coronavirus Disease o COVID-19.
Inanunsiyo ito ng talent manager ng aktres na si Noel Ferrer gamit ang kaniyang Facebook account.
Lumabas aniya sa resulta sa isinagawang retest kay Iza na negatibo na ito sa nasabing virus.
Maliban dito, maaari na aniyang umuwi sa Martes, March 31, ang aktres matapos makumpleto ang IV antibiotics nito.
“It’s an amazing start of the week as we were just told that Iza can go home tomorrow after completing her IV antibiotics!,” pahayag ni Ferrer.
Nagpasalaman naman si Ferrer sa lahat ng nag-alay ng panalangin, pagmamahal at suporta kay Iza.
Binati rin niyo ang mga doktor, nurse at lahat ng health workers na patuloy na nagsasakripisyo para labanan ang krisis.
Humiling naman si Ferrer na patuloy na ipagdasal ang paggaling ni Iza at iba pang pasyente na lumalaban sa virus.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.