93 volcanic earthquakes naitala sa Bulkang Taal sa magdamag
By Dona Dominguez-Cargullo March 30, 2020 - 08:40 AM
Sa nakalipas na magdamag ay nakapagtala ng 93 volcanic earthquake sa Bulkang Taal.
Ayon sa Phivolcs, anim sa nasabing pagyanig ay may magnitude na umabot sa pagitan ng 1.8 hanggang 3.4.
May naitala ring Intensity I hanggang II sa Barangays Banyaga, Bilibinwang at Subic Ilaya sa bayan ng Agoncillo.
May naitala ring mahinang pagbubuga ng steam-laden plumes mula sa main crater ng bulkan at fissure vents sa Daang Kastila trail.
Sa ngayon ay nasa Alert Level 1 (Abnormal) pa rin ang Bulkang Taal.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.