Runway 06/24 bukas na muli matapos ang aksidente sangkot ang eroplano ng Lionair

Bukas na muli ang Runway 06/24 ng Ninoy Aquino International Airport (NAIA) matapos ang aksidente na kinasangkutan ng eroplano ng Lionair.

Ayon kay Civil Aviation Authority of the Philippines (CAAP) spokesperson Eric Apolonio pasado alas 5:00 ng umaga ng Lunes, March 30 nang muling mabuksan ang runway.

Normal na muli aniya ang operasyon ngayon sa paliparan.

Isinara pansamantala ang naturang runway makaraang magliyab ang isang medevac plane na patungo dapat ng Haneda Airport sa Japan.

Nasawi ang lahat ng sakay ng eroplano kabilang ang dalawang pasahero, doktor, nurse, piloto at crew.