BREAKING: Bilang ng kaso ng COVID-19 sa bansa, sumampa na sa 1,418
Lumobo pa ang bilang ng kumpirmadong kaso ng Coronavirus Disease o COVID-19 sa Pilipinas, ayon sa Department of Health (DOH).
Sa press conference, sinabi ni Health Undersecretary Ma. Rosario Vergeire na hanggang 4:00, Linggo ng hapon (March 29), 1,418 na ang kabuuang COVID-19 cases sa bansa.
343 ang napaulat na bagong kaso sa nakalipas lamang na 24 oras.
Ayon sa DOH, pitong pasyente ang gumaling o naka-recover sa sakit.
Dahil dito, 42 na ang total recoveries mula sa virus sa bansa.
Samantala, iniulat din ng DOH na tatlo pang pasyente ang nasawi dahilan para umabot sa 71 ang death toll sa Pilipinas.
Kasunod nito, muling hinikayat ni Vergeire ang publiko na sumunod sa mga ipinatutupad na panuntunan ng gobyerno para makaiwas sa pagkalat ng sakit.
Kabilang dito ang pananatili sa bahay at ugaliin ang paghuhugas ng kamay.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.