May-ari ng New York Knicks, positibo sa COVID-19

Tinamaan din ng Coronavirus Disease o COVID-19 ang may-ari ng NBA team na New York Knicks.

Sa Twitter, inanunsiyo ng koponan na nagpositibo si Madison Square Garden Company Executive Chairman at Chief Executive Officer Jim Dolan sa nakakahawang sakit.

Nakararanas anila si Dolan ng “little to no symptoms.”

Dahil dito, nakasailalim na si Dolan sa self-isolation.

Sa kabila nito, patuloy pa rin anila si Dolan sa pagtutok sa business operations.