Olongapo City, nakapagtala ng unang kaso ng COVID-19
Kinumpirma ni Mayor Rolen Paulino Jr. na nakapagtala ng unang kaso ng COVID-19 sa Olongapo City.
Ayon sa alkalde, ang pasyente ay isang 75-anyos na lalaki at naka-confine sa Baypointe Hospital sa loob ng Subic Bay Freeport Zone.
Unang napabilang ang pasyente sa listahan ng mga person under investigation (PUI) at nagkaroon ng travel history sa Maynila.
Sinabi ng alkalde na maayos naman ang kondisyon ng pasyente.
Tiniyak ni Paulino na nagsasagawa na ng contact tracing ang Olongapo City Health Office sa mga posibleng nakasalamuha ng pasyente.
Tiniyak din nito na patuloy na nakikipag-ugnayan ang Olongapo City government sa Department of Health (DOH).
Humiling naman si Paulino ng panalangin para sa paggaling ng pasyente.
Kasunod nito, hinikayat ng alkalde ang mga residente sa Olongapo City na sundin ang home quarantine at huwag lumabas ng bahay kung hindi naman kailangan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.