San Pedro, Laguna may limang kaso na ng COVID-19

Nadagdagan pa ang bilang ng kumpirmadong kaso ng COVID-19 sa San Pedro, Laguna.

Ayon kay Mayor Lourdes Cataquiz, lima na ang kabuuang bilang ng COVID-19 cases sa lugar.

Isa aniyang 36-anyos na lalaki ang panibagong kaso at residente ng Barangay Magsaysay.

Muli namang nanawagan ang alkalde sa mga residente sa San Pedro na manatili na muna sa tahanan para maiwasan ang pagkalat ng sakit.