Isa pang opisyal ng DOH positibo sa COVID-19

Kinumpirma ni Department of Health (DOH) Sec. Francisco Duque III na nagpositibo sa coronavirus disease o COVID-19 ang isa sa kanilang mga opisyal.

Ayon sa kalihim, ang naturang DOH official ay nagpapakita ng mild symptoms.

Pero wala nang ibinigay na iba pang detalye si Duque maliban sa ang pasyente ay isang undersecretary.

Hindi muna pinangalanan ang opisyal para ipaubaya na lamang sa DOH ang anunsyo.

Nauna nang kinumpirma ng DOH na may isa silang direktor na nag-positibo sa COVID-19.