Tatlo pang Pinoy nagpositibo sa COVID-19 sa Hong Kong
Tatlong Filipino nationals pa sa Hong Kong ang nagpositibo sa COVID-19.
Kinumpirma ito ng Philippine Consulate General Office sa Hong Kong base sa datos na inilabas ng Hong Kong Health Department.
Sa ngayon ayon sa konsulada, umabot na sa 16 na Filipino ang positibo sa COVID-19 na nagpapagaling sa iba’t ibang pagamutan sa Hong Kong.
Tiniyak ng Philippine Consulate General na naibibigay ang karamtang pangangailangan ng mga pasyente.
Dahil sa mabilis na pagtaas ng bilang ng mga Pinoy sa Hong Kong na tinatamaan ng sakit nananawagan ang konsulada sa Filipino community na magdoble ingat pa at manatili lamang sa kanilang mga tahanan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.